Урматтуу Миң-Булак айыл аймагынын активдүү тургундары!

Миң-Булак айыл өкмөтү сиздерди жергиликтүү демилгелерди каржылоо боюнча конкурска катышууга чакырат.

Эгерде сизде айылдын өнүгүшүнө салым кошо турган пайдалуу идея же демилге болсо, аны ишке ашырууга мүмкүнчүлүк бар.

Сизден — жергиликтүү маанидеги маселелерди чечүүгө багытталган демилге,
бизден — каржылоо!

Конкурска төмөнкү багыттар боюнча жергиликтүү демилгелер кабыл алынат:

✅ Парктардын, спорт аянтчаларынын жана эс алуу жайларынын иштешине, көрктөндүрүлүшүнө шарт түзүү, ошондой эле калктын пайдалуу эс алуусун уюштуруу;

✅ Элдик көркөм чыгармачылыкты өнүктүрүү, маданий иш-чараларды өткөрүү жана улуттук каада-салттарды сактоо;

✅ Балдардын жана жаштардын ар тараптуу өнүгүүсүнө багытталган иш-чараларды уюштуруу;

✅ Дене тарбияны жана массалык спортту өнүктүрүүгө шарт түзүү;

✅ Үй-бүлөлүк зомбулуктун алдын алуу жана андан коргоо боюнча мыйзамдарда белгиленген тартипте чараларды ишке ашырууга көмөк көрсөтүү;

✅ Айлана-чөйрөнү коргоого жана аймактын санитардык абалын жакшыртууга багытталган демилгелер.

Документтер 2026-жылдын 24-июну саат 17:00гө чейин Миң-Булак айыл өкмөтүнүн имаратында кабыл алынат.

Кошумча маалымат алуу үчүн жооптуу кызматкерге кайрылыңыздар:
Иманалиева А.
Телефон: 0550 715 072